Cada ano, o 6 de decembro é unha data importante para España, pois conmemórase a Constitución Española.
Naceu aló polo ano 1978, con ela buscábase que tódolos españois fóramos iguais ante a Xustiza, Igualdade e Liberdade.
Temos unha bandeira que nos identifica, un himno que nos representa e unha lingua que todos debemos coñecer.
En España temos unha monarquía e o Rei é o Xefe do Estado pero non é o que goberna, senón que o fai o Presidente do Goberno, que a día de hoxe é Mariano Rajoy.
A constitución é a lei fundamental da organización nun Estado, a ela deben someterse os actos do propio Estado e terán que subeditarse tódalas demais normas xurídicas positivas.
A constitución limita o poder absoluto dos gobernantes, lexitima o poder dos gobernantes e asigna aos cidadáns unha cota lexítima de participación no proceso do poder público.
A constitución de 1978 foi a sétima, pero como característica principal destaca a colaboración por parte de todos e todas.
Os pais da constitución foron Gabriel Cisneros, José Pedro Pérez Llorca, Miguel Herrero de Miñón, Miguel Roca, Manuel Fraga, Gregorio Peces Barba e Jordi Solé.
A constitución consta de 169 artigos, organizados en seccións: preámbulo, título preliminar, título I e así ata o títuloX, xunto coas disposicións transitorias, adicionais, derogatorias e final.
Grazas a esta Constitución Española os españois podemos vivir amparados pola lei e nun país que avanzou e que mirou hacia adiante deixando atrás unha guerra civil.
Defendamos a unidade de todos e todas e celebremos este día como o día que se coñeceron as liberdades e os dereitos que cada un podemos desfrutar.
No hay comentarios:
Publicar un comentario