Por Lugo

RÍO TORTO

O municipio de Riotorto está regado por dúas concas: o Miño xunto ao Miñotelo e os seus afluentes e o Eo e os seus tributarios, entre os que destaca o Torto, que nacido no municipio dá nome ao mesmo. Estamos ante unhas terras de belas paisaxes e algo apartadas da civilización urbana, estando a unha distancia de 48 km. de Lugo o que converte a Riotorto nun lugar apracible que convida o descanso e a relaxación. Municipio de pouca extensión está integrado por oito parroquias: Aldurfe, A Muxueira, Santa Marta de Meilán, Riotorto, Espasande de Baixo, Ferreiravella, A Órrea e Galegos.

O principal monumento de arquitectura relixiosa é Santa Marta de Meilán cun retablo maior salomónico, de finais do século XVIII, distribuído en dous corpos e cinco cales. Alberga no seu interior as imaxes de Santa Marta, San Pedro, sentado e con cruz papal, San Xoán Bautista, San Ramón Nonato, con custodia e palma nas mans e A nosa Señora da Cinta, do século XVI. A igrexa de Santa María de Espasande alberga no seu interior varias pezas de ourivaría dos séculos XVII e XVIII. 

O templo de San Xián de Ferreiravella é unha edificación de natureza rural, con muros de lousa e lajas de laxa. Un novo templo conserva imaxes da primitiva construción. San Lourenzo de Muxueira, foi construído en 1960 e conserva unha cruz parroquial de prata, do século XVIII. Santa Comba de Órrea, ten retablo rococó e un capitel de tradición prerrománica. A igrexa de San Pedro de Riotorto datada do século XVIII foi reformada no século XX en estilo neogótico, cunha soa nave con cruceiro e capela maior con dúas sancristías. Cabe destacar así mesmo as capelas de San Roque e San José.

En arquitectura civil consérvase a Torre do Mouro do século XIVy o castelo de Peñaflor en estado ruinoso e as casas de Rancaño, a dos Moirón, a casa Peineiro e a Casa a da familia Santomé-Rico.